Dé dl'autonomia 2022

Ai 5 de setëmber festejea la Provinzia Autonoma de Bulsan l Di dl’ Autonomia. Per l 50ejim aniverser dl Segondo Statut de Autonomia, iel chëst ann unì metù a jì na gran zelebrazion tl Kurhaus de Maran.
Nce sce la Talia se ova bele cun la sotscrita dl’ “Acurdanza de Paris” ai 5 de setëmber tl 1946 tëut dant de stravardé la mendranzes che vif tl Südtirol, ie la parificazion di lingac, l pruporz o l nseniamënt tla rujeneda dl’oma mpermò jì n droa cun l secundo Statut d'autonomia tl 1972. Da dedò ie l’Autonomia for inò unida laureda ora y svilupeda.

Ntan la zelebrazion tl Kurhaus de Maran iel stat ntervënc da pert de Karoline Edtstadler, ministra austriaca per i afares europeics y costituzionei, Daniele Franco, minister dl’economia y dla finanzes dla Talia y dal Presidënt dla Provinzia Arno Kompatscher deberieda ai Presidënc dl Tirol y Trentin, Günther Platter y Maurizio Fugatti, partner dl Südtirol tl Euregio.
Thinlay Chukki, raprejentanta dl guviern tibetan n exil y Oliver Paasch, Presidënt di ministri dla cumenanza tudëscia dl Belgio à rujenà cun la muderadëura Karin Gschnitzer y cun l muderadëur André Comploi dla situazion dl’autra mendranzes tl’ Europa y tl rest dl mond.

Pert mujighela

La pert mujighela ntan la zelebrazion ie stata dedicheda al’Autonomia dla Provinzia de Bulsan. (y ai Paesi contraenti) -> non so come si dice. L’urchestra Haydn, menà dal dirighënt Diego Ceretta, à sunà pec de mujiga de Wolfgang Amadeus Mozart, Giuseppe Verdi y dl cumponist cuntemporann genoves Marcello Fera, che vif y lëura al didancuei a Maran.
Chantal Romana Veit, che ie unida premieda de mei 2022 a Vienna cun l pest “Goldene Note”, à purtà dant n pez per flaut y urchestra de Cecile Chaminade. La zelebrazion ie fineda via cun l inn dl’Europa ciantà dal Cor di Jëuni dl Südtirol, sota la bachëta de Johann van der Sandt, cumpanià dal’ urchestra Haydn.