De dl'autonomia

Vigni ann ai 5 de setëmber vëgnel festejé tl Südtirol le de che al ê gnü sotescrit dl 1946 l’Acordanza de Paris dai ministri di afars cun l’ester de Talia y Austria, Alcide Degasperi y Karl Gruber. Cun chësc él gnü metü la pera de fondamënta dl’autonomia de nosta provinzia. 

Le secundo Statut d’autonomia dl 1972 á spo porté al’avalianza de düc trëi i grups linguistics tl Südtirol y ala sconanza dles mendranzes. 

En le De dl’autonomia vëgnel porchël incö sciöche inlaota fat festa por i traverc storics arjunc y sambëgn ince por les prospetives dl dagní. Conzerc, intervënc da pert de politics talians y austriacs importanc, conferënzes y mostres fajará da cornisc a chësc de de festa dediché al’autonomia.