De dl'autonomia 2024

La trasformaziun digitala vá inant tres plü debota y á bele dî arjunt düc i ciamps de vita. Porchël se dá jö le Südtirol bele dî cun les strategies por ti ester y realisé cun suzes la digitalisaziun.

Te n proiet de inrescida scientifich él gnü analisé les conseguënzes dla digitalisaziun sön la Provinzia autonoma de Balsan – Südtirol y le raiun d'aziun legislatif y aministratif. Pro le proiet DigiImpact – Digitalisierung und Autonomie Südtirols / Digitalizzazione e autonomia dell’Alto Adige/Südtirol ti vëgnel ciaré a n valgügn stac europeics y a politiches che vá sura i confins fora. Al vëgn analisé concordanzes y desfarënzies sciöche ince conseguënzes positives y negatives sön les lercs d'aziun autonomes. N punt d'analisa prinzipal reverda la domanda sce al vëgn nezesciariamënter zentralisé les competënzes te stac federai o strotöres regionales. Chësc oress dí na limitaziun de ci che fej pordërt fora l'autonomia por ci che reverda les competënzes legislatives y aministratives.

I ejëmpli tratá tla relaziun: Talia, Provinzia autonoma de Trënt, Provinzia autonoma de Balsan-Südtirol, Austria, Land Tirol, Germania y Estonia mostra metodes y stromënc interessanc por matigní, adaté y amplié inant l'autonomia tl cheder di prozesc de digitalisaziun globala. I consëis d'aziun concrec stlüj jö la relaziun.

PROGRAM

10:00 - Salüt y introduziun dl Presidënt dla Provinzia Arno Kompatscher

10:30 - Cheder normatif dl‘Uniun europeica por la trasformaziun digitala - Walter Obwexer, Université de Desproch, Istitut de dërt europeich y de dërt internazional

10:50 - Realisaziun y atuaziun te Stac comëmbri selezioná

• Talia: Sara Parolari, Eurac Research, Istitut de stüdi federai compará
• Provinzies autonomes de Balsan y Trënt: Philipp Rossi, Université de Desproch, Istitut de dërt talian
• Austria y Tirol: Peter Bußjäger, Université de Desproch, Istitut de dërt publich
• Germania: Christina Fraenkel-Haeberle, Université todëscia de sciënzes aministratives de Speyer, Istitut de inrescida todësch sön l’aministraziun publica
• Estonia: Carolin Zwilling, Eurac Research, Istitut de stüdi federai compará

11:50 - Desfides y oportunités por l‘autonomia dl Südtirol y la cooperaziun tl’Euregio - Esther Happacher, Université de Desproch, Istitut de dërt talian

12:10 - Discusciun

Moderadú: Francesco Palermo, Eurac Research, Istitut de stüdi federai compará

Traduziun simultana todësch/talian