De dl'autonomia 2025

Ai 5 de setëmber dl 1946 à Karl Gruber y Alcide De Gasperi sotscrit l Tratat de Paris, fundamënta giuridica nternaziunela dl'Autonomia dl Südtirol.

Per l 79ejim aniverser de chësc avenimënt storich, à la Provinzia autonoma de Bulsan festejà l Di dl'Autonomia cun na manifestazion dal Ciastel Tirol, ulache n à urganisà doi descuscions sun paladina.

La prima, dal titul "Autonomies en transiziun: l’autonomia speziala danter reformes y identité" à udù dant ntervënc dl presidënt dla Provinzia autonoma de Bulsan Arno Kompatscher, dl presidënt dla Provinzia autonoma de Trent Maurizio Fugatti, dl'assessëur al'Autonomies locales dla Region autonoma Friuli Venezia Giulia Pierpaolo Roberti, dla secretera generela dla Region autonoma Val d'Aosta Stefania Fanizzi y dla prufessëura dl'Università de Dispruck Esther Happacher. I ntervënc tratova l'autonomia speziela, cun n'udleda particulera al daunì.

La segonda descuscion sun paladina, dal titul "Sconanza dles mendranzes, promöie le dialogh y la pesc", ie unida mudereda da Katharina Crepaz dl Centre for Autonomy Experience dla Eurac Research cun ntervënc de Heinrich Huber, cunlauradëur per trueps ani di presidënc dla Provinzia de Bulsan Silvius Magnago y Luis Durnwalder, Ana Grilc, cumëmbra dl Cunsëi d'aministrazion dl Club di studënc dla Slovenia a Viena, Olivia Schubert, vizepresidënta dl'Autoguviern naziunel di tudësc dl'Ungaria y Marlies Alber, scienziata de traduzion y terminologia giuridica tl'Eurac.

PROGRAM

11:00 - Introduziun dl Presidënt dla Provinzia de Balsan - Südtirol Arno Kompatscher
11:10 - Autonomies en transiziun: l’autonomia speziala danter reformes y identité Mësa torona cun i Presidënc dles Regiuns y dles Provinzies autonomes
11:50 - Sconanza dles mendranzes, promöie le dialogh y la pesc Mësa torona cun les rapresentantes y i rapresentanc dles mendranzes europeiches

Musiga: Ensemble dl Conservatore “Claudio Monteverdi” de Balsan