30 agn dala detlaraziun de apajamënt dl strit

Ai 11 de jügn dl 2022 él gnü recordé cun na festa tl Teater Comunal de Balsan la presentaziun dla detlaraziun d’apajamënt dl strit dan da avisa trënt agn. Ai 11 de jügn dl 1992 él gnü stlüt jö formalmënter, dan dal’ONU, le strit internazional che reverdâ le Südtirol. L’Austria y la Talia á apajé ia deboriada le strit do avëi reconesciü y apliché l’Acordanza de Paris.

I ghesć d’onur presënc á tigní discursc importanc olache al é gnü alzé fora le Südtirol sciöche n model por la ressoluziun pazifica de stritaries y l’importanza da presservé l’autonomia por le dagní. A pert le Presidënt dla Junta provinziala Arno Kompatscher él jü sön paladina dl gran salf i Ministri di afars cun l’ester di dui Paisc che â sotescrit l’acordanza de Paris, Talia y Austria, Luigi Di Maio y Alexander Schallenberg, y le Rapresentant Spezial dles Naziuns Unides por les chestiuns dles mendranzes Fernand de Varennes.

Ince l’Alta Comissara dles Naziuns Unides por i dërc dles porsones da n iade, Michelle Bachelet, á dé so contribut cun n intervënt video.

La manifestaziun é gnüda acompagnada y s’é spo ince rovada cun la musiga dl Herbert Pixner Project.